Nənələrimizin hazırladığı dadı xatırladan Bağdan məhsulları Lənkəran və Quba konserv zavodlarında tam təbii yolla, ev üsulu ilə hazırlanır.
Bağdan kompotları – meyvə dilimlərindən və şəkər siropundan hazırlanmış, sterilizasiya edilərək germetik qablaşdırılan desert içkisidir. Kompot çox qısa texniki prosedurla hazırlandığından meyvələr öz təbii formasını, iyini, dadını və vitaminlərini bütünlükdə qoruyub saxlayır. Kompotlarımız gözəl dadı ilə yanaşı sizin sağlamlığınıza da çox faydalıdır.
2010-cü ildə fəaliyyətə başlayan istehsal müəssisəmizin məhsullarına tələbat qısa dövr ərzində daxili və xarici bazarda iki dəfədən çox artmışdır, bu da yüksək keyfiyyətin bəhrəsidir.
Bağdan məhsullarının istehsalında istifadə olunan xammal təbii və ekoloji təmiz şəraitdə zavodun öz meyvə bağları və əkin sahələrində yetişdirilir. “Bağdan” markasının adı altında turşu, mürəbbə, tomat, kürü, acika və kompot kimi məhsullar istehsal edilir. Keyfiyyət standartlarına nəzarət edərək ev üsulu ilə hazırlanmış təbii məhsullarımızı istehlakçılarımıza təqdim etməkdən qürur duyuruq.
